Sumdawng leh Lu Mettu
Hmanlai hian, khaw pakhat Patliputra ah hian sumdawng pakhat
Manibhadra ti a an koh hi a cheng a. Chu pa chu a thil phal em em a. Nimahsela,
engemaw titi in, a vanduaina vangin, a hausakna zawng zawng chu a chan a, in
leh lo neilo kutdawt a lo ni ta a. Mipui vantlang zinga a dinhmun chu zawi
zawin a lo tla hniam zel a. A lo lungngaiin a lo ngui ta em em mai a ni.
Zankhat chu, a khuamah chuan a mu zal a, a rinna te chu
anchhia a lawh a, riltama awma mahni
inthah a rilruk a.
Chutia a ngaihtuah mek lai chuan a lo muhil a. Jain puithiam
hi a mumangah chuan a hmu a, chu puithiam chuan “lungngai suh, kei hi i thlahtu
te hausakna khawmtu mi hausa ka ni. Nang hi chung ro rochun theitu dik tak i
ni. Hei hi keimah, dan ang a min neih theihna dikna i neih a ni. Naktukah, i
inah Jain puithiam anga incheiin ka lokal a nga. Ka lu ah tiang hmangin min vua
la, kei chu rangkachak tlangah ka chang ang “ tiin a hrilh a.
A tuk zing ah chuan, sumdawngpa chu a lo harh a, a lu chu a
na a ti a. A mumang chu a awih lo va. Chutih mek lai chuan, a nupui chuan lu
mettu chu a ke malis sak turin a ko a. Lu mettu a lo thlen hnu lawk chuan Jain
puithiam pawh chu sumdawngpa inah chuan a lo thleng a. Sumdawngpa chuan
puithiam pa chu a lo chibai a. Thutna leh tui in tur a pe a. Tichuan, puithiam
luah chuan tiang chuan a vaw ta a. Puithiam chu a tlu a, a ke ler atanga a lu
chhip thleng chuan rangkachak tlangah a lo chang a.
Sumdawng chuan rangkachak chu a la a, in hnuaiah a dah
thukru a.
Lu mettu chuan thil thleng zawng zawng chu a lo hmu a, a
rilu chuan “tiang puithiam te hi ka inah chaw min ei pui turin ka sawm ang a.
Rangkachak a chang turin an lu ah ka vaw ve ang a. Chumi hnuah chuan mi hausa
tak ka ni ang” tiin a ngaihtuah a.
Lu mettu chu puithiam lalber hnenah a kal a, puithiam lalber
leh puithiam dang chu a in a chaw ei
turin a sawm a. Mahse puithiam lalber chuan a sawmna chu a lo duh lo va.
Puithiam lalber chuan “In a chaw ei tur a sawm tur, puithiam (Brahmin) kan ni
lo. Nitin, tanpuina kan dawng a, sakhawm lama inpumpek ten nikhat eitur chaw
min pek chiah a ni kan pawm. Nung tur chiahin kan ei a, ei tur a nung ni
lovin,” a ti a.
Lu mettu chuan puithiam ho awmkhawmna (Monastery) pawnah
chuan a lo nghak a. Puithiam ho lo chhuah chuan, a in a kal a, tawngtaina
buatsaih sak turin a ngen a. Puithiam thenkhat chuan an remti a, lu mettu inah
chuan an kal ta a.
Puithiam ten in an luh rual chuan, lu mettu chuan tiang rit
takin an lu ah chuan a vua a. Puithiam thenkhat chu an thi a, thenkhat chu na
takin a hliam bawk a.
Lu mettu in puithiamte a vuak chanchin chu khaw chhungah
chuan kangmei nasa tak ang maiin a darh chak a. Lu mettu chu thuneitu te chuan
an man a. Dan hmanga rorelna inah an kal pui nghal a.
Roreltu chuan, rorelna inah chuan, lu mettu chu “Eng vanga
ti nge a nih” tih a zawt a.
Lu mettu chuan a thil tawn zawng zawg chu a sawi ta vek a.
“Hetiang thil ka tihna chhan chu sumdawngpa in a tih vang a ni a ti a.
Tichuan, sumdawngpa chu rorelna hma a in lan tur a tih a ni
a. Sumdawngpa pawh chuan a thil tawn zawng zawng chu a sawi ve a.
Roreltu chuan “He lu mettu nun rawng hi khai hlum ni rawh
se” tiin thu a chhuah a. Lu mettu chu an khai hlum ta a.
0 Comments